2018-01-12

1-5 urte arteko umeen gurasoei zuzendutako, Adimen Anitzen (AA) eta Estimulazio Goiztiarra (EG) ardatz dituen ekintza  antolatu dugu ikastolan.

E*PSY: Psikomotrizitatea ingelesez ekimenaren helburua da umeek ingelesa ikastea modu natural baten. Zertarako? euren inguru hurbilean gertatzen dena kontatu ahal izateko.

Hauxe da E*PSY: jolas librea, psikomotrizitatea (globala), psiko-higienea, ingelesa eta heziketa adeitsua.

Ekintzari otsailean emango diogu hasiera, egun eta ordu honetan:

  • Ostiraletan, 16.45-17.30 1 eta 2 urteko umeentzat (guraso bietako batek lagundu beharko lieke).
  • Ostiraletan, 17.30-18.30 3tik 5 urte arteko umeentzat.

Izena ematen dutenentzat informazio bilera izango dugu urtarrilaren amaieran. Bertan, xehetasun guztiak azalduko ditugu, metodologia eta burutuko ditugun ekintzak, besteak beste.

Proiektuan parte hartu nahi baduzu jarri kontaktuan 943 76 25 40/41 telefono zenbakira deituz edo ikastola1@mlagundia.net helbidera idatziz urtarrilaren 22rako.

Animatu!!

2018-01-08

Aurten DBH 4n dauden ikasleak  FLL-n (First Lego League) parte hartuko dute.

 

Hona hemen  horren bueltan Gabon aurrean araztegira egindako bisita jasotzen duen erreportajea!! 

 

http://www.eitb.eus/eu/albisteak/teknologia/bideoak/osoa/5320117/bideoa-zientza-eta-teknologiari-buruz/

2017-12-21

DBH 1. mailako ikasleek ESLn (eremu soziolinguistikoan) proiektu bateratua egin dute 1. ebaluaketan Gizarte, Euskara eta Gaztelera uztartuz. Hor ikasitakoa gauzatzeko, gurasoei eta LHko ikasleei aurkezpen bana egin diete, baita museoa antolatu ere.  

 

DBHko eta GMHZko ikasleak ere gonbidatu dituzte museora. Bistakoa da lan galanta egin dutela.

 

Zorionak!

 

 

 

 

 

 

 

 

2017-12-14

 

Igande honetan DOMEKA AZOKA ospatuko da seminarioko karpan.

Berrerabilera, elkartrukea eta tokiko artisautza sustatzeko sortu zen bigarren eskuko merkatu hau. Oraingoan tokiz aldatu dugu, plazatik seminarioko karpara lekualdatu da.

Aukera paregabea izango da gabonetako opariak hartzeko, opari berezi eta originalak. 35 postu aurkituko dituzue: erropak, osagarriak, oinetakoak, liburuak, musika, dekoraziorako materiala, bitxiak, jostailuak, portzelanazko material, serigrafia, zaharberritutako altzariak, saharar artisautza, etab…

 

Animatu eta pasatu Domeka Azokatik, igandean, 11:00tik 14:30era seminarioko karpan.

 

2017-12-14

DBH 2. mailako ikasleak “Molecular chef” proiektua burutzen murgilduta daudela aprobetxatuz, Gasteizko Ostalaritza eskolatik hiru sukaldari eta irakaslea etorri zaizkigu gastronomia molekularreko plater desberdinen prestakuntza erakustera eta bere zapore eta testura bereziaz gozatzeko aukera izan dugu. Profesionaltasun handiz burutu dituzte esferifikazioak eta abarrak, teknika desberdinen sekretuak agerrarazten.

 

MILA ESKER!

 

 

2017-12-01

Aurreko ostiralean errefuxiatuen kanpamenduetara bidaltzeko materialaren bilketa amaitu zen. Aste honetan zehar, hainbat ikaslerekin batera, jasotako guztia sailkatu dugu, kaxetan sartu eta eramateko prestatze-lanak egin ditugu.

 

Jasotako erantzuna benetan txalotzekoa izan da, eta bihotzez eskerrak eman nahi dizkizuegu, ikasle, familia eta langile guztiei; bai egindako ekarpen materialengatik, baita beste edozein modutan (kontzientziazio dinamiketan parte hartzen, kanpaina zabaltzen, bildutako materiala sailkatzen…) parte hartu duzuen guztioi ere. Zuen laguntza guztiz beharrezkoa izan da Karabana Solidarioa aurrera eramateko.

Eskerrik asko!

2017-11-21

Urtero azaroaren 21ean egin ohi dugun bezala, Maria Haurraren eguna ospatu dugu ikastolan. Hori dela eta, hainbat ekintza berezi egin ditugu: barnetasun saio batekin hasi gara, eta ondoren, errefuxiatuen gatazkaren gaiari helduz, hausnarketak bideratu ditugu.

 

Bestalde, martxan daukagun karabana solidarioaren kanpainarekin lotutako dinamika ezberdinekin, ikasleek aktiboki parte hartu dute kanpaina zabaltzeko lanetan. Ikusi bideoa hemen

2017-11-17

Maria Haurraren eguna ate-joka dugularik, eta errefuxiatuei laguntzeko “Karabana solidarioa” kanpaina martxan dugun egun hauetan, DBHko ikasleek errefuxiatuen gatazkari buruzko hitzaldi bat entzun dute. Joan den urtean Greziako kanpamenduetan boluntario lanetan aritu ziren Jon Soba eta Iñaki Urizar oñatiarrek, ikasleengan gatazka honekiko kontzientzia pizteko helburuarekin, errefuxiatuen kanpamenduetako errealitatea azaldu digute, beraien bizipenak eta esperientzia kontatuz.

Datorren astean zehar ere, Maria Haurraren eguna ospatuz, gai honekin lotutako hainbat ekintza burutuko ditugu.

 

 

Mariaren Lagundia ikastola
telefonoa943 76 25 40 / 943 76 25 41
helbidea
Espaloia kalea 1, 20570 BERGARA
Harremanetarako

Kokapena
Webgune honek cookie-ak erabiltzen ditu zure nabigazioa errazteko eta analisi estatistikoak egiteko. Nabigatzen jarraitzen baduzu, hauen erabilera onartzen duzula ulertuko dugu. Informazio gehiago nahi baduzu, kontsultatu
Cookie Politika
Lege oharra | Pribatutasun politika | Cookie Politika